Wakati mwingine maisha ya kisiasa na kijamii yanaweza kuleta misukosuko, lakini viongozi na wadau wa jamii wamehimiza Watanzania kutambua kuwa nchi haijengwi kwa hasira wala jazba, bali kwa hekima, mazungumzo ya upendo, na kuheshimiana. Kila Mtanzania ana nafasi ya kuchagua kuwa sehemu ya suluhisho badala ya kuwa sehemu ya tatizo.
Hayo yanapatikana katika mitandao ya kijamii ambapo watanzania wanaona athari ya kuandika au kuchapisha taarifa zinazochochea migogoro na kuvunja amani, wakisisitiza kuwa wananchi wasikubali Tanzania kupasuliwa kwani maendeleo yaliyofikiwa yatapotea.
Aidha wachangiaji wengi wameona haja ya mafunzo ya uandishi wa amani yaliyotolewa na Taasisi ya Vyombo vya Habari Kusini mwa Afrika (MISA-Tan) na kusema hapana kwa uchochezi na fujo, na ndiyo kwa kuungana kama ndugu ili kulinda usalama na misingi ya taifa.
Wananchi hao wamesema wakati mwingine maisha ya kisiasa na kijamii yanaweza kuleta misukosuko, lakini nchi haijengwi kwa hasira wala jazba—nchi hujengwa kwa hekima, mazungumzo ya upendo, na kuheshimiana.
"Kila Mtanzania ana nafasi ya kuchagua kuwa sehemu ya suluhisho badala ya kuwa sehemu ya tatizo. Tukisema hapana kwa kuchocheana, hapana kwa fujo, na ndiyo kwa kuungana kama ndugu, tunakuwa tumelifanyia taifa letu jambo kubwa sana. Hakuna anayepaswa kupoteza usalama wake kwa sababu ya tofauti za mawazo. Tanzania ni yetu sote na tunapaswa kuilinda kama tunavyolinda familia zetu" aliyejitambulisha kwa jina la mtandaoni la greenarmy4everybody
Aidha kutokana na ukweli kuwa katika kipindi kama hiki, ni rahisi watu kusikia taarifa nyingi, sauti nyingi na kusukumwa kwenye vitendo visivyo na maana wanastahili kuwa makini kwani Tanzania ndio hii haina ndugu.
“Amani ikipotea, kuirudisha ni gharama kubwa kuliko kuitunza.” Ndiyo maana kila mmoja wetu ana wajibu wa kuwa balozi wa utulivu. Tuchague kuongea maneno yanayojenga, si yanayobomoa. Tuchague kukumbushana utu, si kuchocheana. Tuchague kutafuta suluhu, si kusambaza hofu. Tanzania imebarikiwa kuwa nchi ya upole na utulivu—tusiruhusu hasira za muda mfupi zipoteze misingi ya miaka mingi ya upendo na uwepo wa amani."
Wanahabari Wahimizwa Kuwa Balozia wa Utulivu
Katika muktadha huu, Mwenyekiti wa Taasisi ya Vyombo vya Habari Kusini mwa Afrika (MISA-Tan), Edwin Soko, amesema mafunzo kuhusu habari za amani kwa waandishi wa habari ni muhimu ili kutoa suluhisho kwa changamoto zilizopo.
Akizungumza wakati wa utolewaji wa mafunzo hayo Jijini Dodoma , Soko alieleza kuwa mafunzo hayo yalitakiwa kufanyika kwa awamu kwa wanahabari 400 lakini, kutokana na ufinyu wa bajeti, wameamua kufanya kwa wanahabari 100 kutoka Tanzania bara na visiwani.
Soko alieleza kusikitishwa kwa MISA-Tan na tukio la Novemba 29, ambalo, licha ya kuleta changamoto mbalimbali, liliwagusa kwa kupoteza baadhi ya wanahabari. Alijihoji iwapo wangekuwa wametoa mafunzo hayo mapema, huenda changamoto hiyo isingejitokeza.
Viongozi wa Dini Wasisitiza Amani na Utu
Viongozi wa dini walisisitiza mchango wa imani katika kudumisha utulivu. Mchungaji ambaye pia ni Mratibu wa viongozi wa dini jijini Dodoma, Timoth Holela, ameihimiza jamii kutambua kuwa suala la amani linazungumziwa na kusisitizwa hata kwenye vitabu vya dini, hivyo jamii haina budi kuidumisha ili kuleta maendeleo.
Vilevile, Shekhe Mahamoud Ussi aliwashauri wanahabari kutumia kalamu zao kuandika habari zenye misingi ya kuleta amani, kwani suala la upendo, haki, na amani lipo katika dini mbalimbali.
Huku akisisitiza umuhimu wa utulivu, mmoja wa wachangiaji katika mjadala huo alikumbusha kauli ya wazee kwamba: “Amani ikipotea, kuirudisha ni gharama kubwa kuliko kuitunza.” Alisisitiza wajibu wa kila mmoja kuwa balozi wa utulivu kwa kuchagua kuongea maneno yanayojenga, si yanayobomoa.
Changamoto na Wito wa Haki
Licha ya wito wa amani na utulivu, baadhi ya wachangiaji walionyesha mashaka kuhusu utatuzi wa changamoto za kitaifa kwa njia ya mafunzo ya amani pekee. Wengine walidai kuwa suluhisho la msingi ni kutoa haki na kushughulikia masuala yanayodaiwa na Watanzania .
Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464
