HAYA HAPA MAJINA YA WAANDISHI WA HABARI KUWANIA TUZO ZA UMAHIRI UANDISHI WA HABARI TANZANIA' EJAT', RAIS SAMIA KUWA MGENI RASMI

TAARIFA KWA VYOMBO VYA HABARI

Dar es Salaam, Alhamisi, Mei 19, 2022

Jopo la majaji saba lililokaa kwa siku tisa, kuanzia Mei 7 hadi 15, 2022 kupitia jumla ya kazi 598 za waandishi zilizokuwa katika makundi 20 ya kushindaniwa katika Tuzo za Umahiri wa Uandishi wa Habari Tanzania (EJAT) 2021, limemaliza kazi yake, Mei 15, 2022.

Jopo hilo lilitumia siku tisa badala ya nane kutokana na ongezeko la kazi 202 kutoka Tuzo za EJAT 2020, ambapo jumla ya kazi 396 ziliwasilishwa ukilinganisha na kazi 598 za sasa. Hapa niwapongeze na kuwashukuru majaji kwa kazi kubwa waliyoifanya usiku na mchana yakupitia kazi hizo.

Jopo liliongozwa na mwenyekiti, Mkumbwa Ally. Wajumbe wengine walikuwa Mwanzo Millinga (Katibu), Aboubakar Famau, Mbaraka Islam, Imane Duwe, Beatrice Bandawe, na Rose Haji, ambao waliapishwa Mei 6, 2022 na Mwenyekiti wa Kamati ya Maadili ya Baraza la Habari Tanzania (MCT), Jaji Robert Makaramba.

Majaji hao wameteua jumla ya waandishi 60 ambao kazi zao zimeonekana kuwa bora Zaidi na ambao miongoni mwao watapatikana washindi wa EJAT 2021. Kati ya wateule hao, wateule tisa wanaandikia runinga; 12 vyombo vya mtandaoni, wanane redio na 31 wanaandikia magazeti.

Idadi ya wateule wa EJAT 2021 kwa upande wa wanawake ni 28 ambayo ni asilimia 47 ikiwa ni ongezeko la asilimia tatu kulinganisha na Tuzo zilizopita ambapo wanawake walikuwa 26 sawa na asilimia 44 ya walioingia kwenye hatua hii mwaka jana. Wateule wanaume ni 32, sawa na asilimia 53.

Kati ya wateule 28 wanawake, 18 wanatoka katika magezeti, runinga wametoka watatu, radio wawili na vyombo vya habari vya mtandaoni watano. Kwa upande wa waandishi wa habari wanaume, magazeti wametoka 12, runinga waandishi sita, radio wateule sita na vyombo vya habari vya mtandaoni wateule saba.

Kwa mujibu wa majaji wa EJAT 2021, kazi za mwaka huu, zimeonyesha kuwa na kiwango cha juu ukilinganisha na mwaka jana. Hii ni pamoja na kiwango cha waandishi wa habari wa vyombo vya mtandaoni kuonyesha kukomaa zaidi katika kazi zao na mwamko wa ushiriki katika Tuzo hizo.

Rais wa Jamhuri ya Muungano wa Tanzania, Mhe. Samia Suluhu Hassan atakuwa mgeni rasmi katika shughuli za utoaji Tuzo na ndiye atakaye mkabidhi Tuzo mshindi wa jumla pamoja na mshindi wa Tuzo ya Maisha ya Mafanikio Katika Uandishi wa Habari (LAJA) 2022.

Tuzo hizo zinatarajiwa kutolewa Mei 28, 2022 katika ukumbi wa Hoteli ya Serena, Dar es Salaam. Hii itakuwa ni mara ya 13 kuwatuza waandishi waliofanya vizuri katika kazi zao za kiuandishi katika mwaka uliotangulia.

Baraza linapenda kuwataarifu waandishi wa habari kuwa katika Tuzo za mwakani, mfumo wa ujazaji fomu utakuwa ni kwa njia ya mtandao (online) ambapo fomu zitajazwa na kutumwa kwa mtandao. Hii itapunguza matumizi ya karatasi na changamoto za CD kukwama kucheza wakati majaji wanapitia kazi.

Taasisi zinaounda Kamati ya Maandalizi ni pamoja na MCT, Wakfu wa Vyombo vya Habari (TMF), Chama Cha Waandishi wa Habari Wanawake Tanzania (TAMWA), Jukwaa la Wahariri (TEF), HakiElimu, Agriculture Non-State Actors Forum (ANSAF), Umoja wa Klabu za Waandishi wa Habari Tanzania (UTPC), Misa-Tan na Twaweza.

Tuzo hizi zinafadhiliwa na Wajibu Institute, Natural Resources Governance Institute (NRGI), Bank ABC, Hakielimu, Tume ya Ushirika, Kituo cha Sheria na Haki za Binadamu (LHRC), Busota Inn, Serena Hotel Dar es Salaam, Coca Cola, Kampuni ya Bia Tanzania (TBL), Azam Media, Twaweza na COSTECH.

Makundi yanayoshindaniwa katika Tuzo za EJAT 2021 ni:-

1. Tuzo ya Uandishi wa Habari za Uchumi, Biashara na Fedha;

2. Tuzo ya Uandishi wa Habari za Michezo na Utamaduni;

3. Tuzo ya Uandishi wa Habari za Kilimo na Biashara ya Kilimo;

4. Tuzo ya Uandishi wa Habari za Elimu;

5. Tuzo ya Uandishi wa Habari za Utalii na Uhifadhi;

6. Tuzo ya Uandishi wa Habari za Uchunguzi;

7. Tuzo za Uandishi wa Habari za Data;

8. Tuzo za Uandishi wa Habari za Haki za Binadamu

9. Tuzo za Uandishi wa Habari za Utawala Bora na Uwajibikaji;

10. Mpiga Picha Bora – Magazeti;

11. Mpiga Picha Bora – Runinga;

12. Mchora Katuni Bora;

13. Tuzo ya Uandishi wa Habari za Jinsia na Watoto;

14. Tuzo ya Uandishi wa Habari za Gesi, Mafuta na Uchimbaji Madini;

15. Tuzo za Uandishi wa Habari za Walemavu;

16. Tuzo za Uandishi wa Habari za Afya;

17. Tuzo ya Uandishi wa Sayansi na Teknolojia;

18. Tuzo za Uandishi wa Habari za Hedhi Salama;

19. Tuzo za Uandishi wa Habari za Ushirika; na

20. Kundi la Wazi.

Ifuatayo ni orodha ya wateule wa EJAT 2021 pamoja na vyombo vyao:

SN	NOMINEES	MEDIA OUTLETS
1	Mariam Shabani Mbwana	Mwananchi
2	Tumaini Godwin Msowoya	Mwananchi
3	Peter Simon Rodgers	ITV
4	Agusta Mathias Njonji	Nipashe
5	Nusra Shaaban Kichongapishi	TIFU TV- Online
6	Adam Gabriel Hhando	CG FM Radio
7	Haji Nassor Mohamed	Zanzibar Leo
8	Khamisuu Abdallah Ali	Zanzibar Leo
9	Naishooki Alais Makaseni	STAR TV
10	Sanula Renatus Athanas	Nipashe
11	Lugendo Ibrahim Madege	UFM Radio
12	Anthony Mayunga Mayunga	Mwananchi
13	Ephrahim Edward Bahemu	Mwananchi
14	Maryam Salum Habib	Zanzibar Leo
15	Said Seleman Lufune	City FM
16	Pascal Michael Buyaga	TBC1
17	Aurea Simtoe	Mwananchi
18	Salum Vuai Issa	Zanzibar Leo
19	Masekepa Natisa Masekepa	ITV
20	Sabato Mafwiri Kasika	Nipashe
21	Muhidin Ally Msamba	The Guardian
22	Amina Ahmed Mohamed	Zanzibar Leo
23	Harith Jaha Ally	Watetezi TV - Online
24	Gladness Joseph Msetti	UFM RADIO
25	Zuhura Hassan Makuka	Dar 24 (Online)
26	Jackline Inyas Silemu	ITV
27	Francis Dhamira Kajubi	The Guardian
28	Isakwisa Njole Mbyale	Highlands FM radio
29	Harieth Isaya Makweta	Mwananchi
30	Halfan Chusi	Nipashe
31	Khalifa Said Rashid	The Chanzo – Online
32	Irene Nicholaus Mwasomola	Uhuru
33	Elizabeth Edward Kusekwa	Mwananchi
34	Baraka Jailos Messa	Habari Leo
35	Martha Stephen Nalimi	Shamba FM
36	Joyce David Joliga	The Citizen
37	Mariam Ngollo John	Nukta.blog
38	Najjat Haji Omar	The Chanzo - Online
39	Salma Msichoke Mrisho	STAR TV
40	Peter Lugendo John	TBC FM
41	Beatrice Philemon Mukocho	The Guardian
42	Joe Beda Rupia	Jamhuri
43	Hanifa Salim Mohamed	Zanzibar Leo
44	Amour Khamis Ali	Zanzibar Cable TV
45	Abdi Juma Seleman	Zanzibar Leo
46	Protte Profit Mmanga	LEO TV – Online
47	Faraja John Sendegeya	Azam TV
48	Festo Charles Lumwe	Dar 24 – Online
49	Mary Geofrey Mashina	Nipashe
50	Munira Abdillah Hussein	BBC Swahili (Online)
51	Daniel Samson	Nukta.habari blog
52	Habiba Zarali Rukuni	Zanzibar Leo
53	Marco Zephania Maduhu	Nipashe
54	Christina Stephen Mwakangale	The Guardian
55	Elizabeth Cornery Zaya	Nipashe
56	Sudi Shaban Ally	STAR TV
57	Omary Hussein Omary	STAR TV
58	Jecha Simai Jecha	ZBC FM
59	Jenifer Julius Gilla	The Guardian
60	Lukelo Francis Haule	The Chanzo- Online