MANISPAA SHINYANGA YABUNI MPANGO WA KUIFANYA KUWA SAFI.... TAASISI, VIWANDA, MITAA NA SHULE KUSHINDANISHWA

Mkurugenzi wa Manispaa ya Shinayanga, Geofrey Mwangulumbi, akizungumza kwenye kikao cha Baraza la Madiwani wa halmashauri hiyo leo.

Na Marco Maduhu, Shinyanga

Halmashauri ya Manispaa ya Shinyanga, inatarajia kuanzisha mashindano ya usafi wa mazingira, kwa ajili ya kuuweka mji huo katika hali ya usafi na kupambana na magonjwa yatokanayo na uchafu ikiwemo kipindupindu.

Akisoma taarifa ya mpango huo leo kwenye kikao cha Baraza la Madiwani Manispaa ya Shinyanga, Mkuu wa idara ya Usafi na Mazingira, Kuchibanda Snatus, kwa niaba ya Mkurugenzi, alisema lengo la mashindano hayo ni kuhakikisha mji unakuwa msafi muda wote.

Alisema mashindano hayo yatajumuisha kata zote 17 za Manispaa ya Shinyanga, Mitaa 55, vijiji 17, Taasisi zote za umma, na binafsi, zikiwamo Shule za Msingi na Sekondari, Masoko, viwanda, ambayo yanatarajiwa kuanza mwezi Julai mwaka huu.

“Maeneo yatakayo kaguliwa kwenye mashindano hayo ni usafi wa Kaya, Shule, Masoko, Mitaro, Barabara, Viwanda, na Maeneo ya wazi na utekelezaji utasimamiwa na viongozi wa Serikali za vijiji, mitaa na Kata, kwa kufanya ukaguzi wa usafi wa mazingira kwenye maeneo yote,” alisema Snatus.

“Mshindi wa mashindano haya ngazi ya Kaya na Shule atapewa zawadi ya vifaa vya usafi, Kiwanda na Kata itakayo ongoza watapewa Ngao, Mtaa utapewa Cheti, na watakaofanya vibaya watapewa Kinyago,”aliongeza.

Aidha alisema faida za mashindano hayo ni kuboresha hali ya usafi wa mazingira kwenye maeneo mbalimbali ya Manispaa, kupunguza madharia ya Mbu, pamoja na kutokomeza magonjwa ya kuhara na kipindupindu.

Naye Meya wa Manispaa ya Shinyanga, David Nkulila, alisema mpango huo ni mzuri ambao utasaidia kuondoa kero za uchafu mjini humo, ambapo mji utakuwa msafi pamoja na kuzolewa uchafu wa kwenye Maghuba kwa wakati, huku akitoa wito kwa madiwani wakatoe elimu ya usafi kwa wananchi.

Nao Madiwani wa Manispaa hiyo ya Shinyanga, walipongeza mpango huo wa mashindano ya usafi wa mazingira kuwa utaleta hamasa kubwa ya kuufanya mji huo kuwa msafi huku kila mmoja akijingamba kupata ushindi.

Pia Baraza hilo la Madiwani la Halmashauri ya Manispaa ya Shinyanga, limefanya kikao cha siku mbili kujadili ajenda mbalimbali, kwa ajili ya mstakabali wa maendeleo ya Manispaa hiyo.

TAZAMA PICHA HAPA CHINI

Mkuu wa idara ya Usafi na Mazingira Manispaa ya Shinyanga, Kuchibanda Snatus, akisoma taarifa ya mpango wa kuanzisha mashindano ya usafi wa mazingira kwenye Baraza la Madiwani kwa niaba ya Mkurugenzi.

Mkurugenzi wa Manispaa ya Shinyanga Geofrey Mwangulumbi akizungumza kwenye Baraza la Madiwani.

Meya wa Manispaa ya Shinyanga David Nkulila, akizungumza kwenye Baraza la Madiwani.

Madiwani wakiwa kwenye kikao cha Baraza.

Madiwani wakiwa kwenye kikao cha Baraza.

Madiwani wakiwa kwenye kikao cha Baraza.

Madiwani wakiwa kwenye kikao cha Baraza

Madiwani wakiwa kwenye kikao cha Baraza

Madiwani wakiwa kwenye kikao cha Baraza