Header Ads Widget

DAWA YA MAUMIVU IBRUPROFEN YAFANYIWA MAJARIBIO KUONA KAMA INAWEZA KUTIBU CORONA

Wanasayansi wanafanya majaribio kuona iwapo dawa ya maumivu ya Ibruprofen inaweza kutumika katika hospitali kuwasaidia wagonjwa wa corona. 

Kikosi hicho katika hospitali ya Guys and ST Thomas and College kinaamini kwamba dawa hiyo , ambayo hutumika kumaliza maumivu inaweza kutibu matatizo ya kupumua.

Wanaamini kwamba dawa hiyo isio na gharama ya juu inaweza kuwasaidia wagonjwa kutowekwa katika mashine za kuwasaidia kupumua.
Katika vipimo hivyo kwa jina Liberate, nusu ya wagonjwa watapatiwa dawa ya Ibuprofen kabla ya kuafnyiwa uangalizi wa kawaida.

Majaribio hayo yatatumia ibuprofen maalum badala ya ile ya kawaida ambayo watu hununua.
Baadhi ya wagonjwa wamekuwa wakitumia dawa hiyo aina ya capsule kutibu magonjwa kama vile baridi yabisi.

Utafiti uliofanyiwa wanyama unasema kwamba inaweza kutibu tatizo la kupumua -tatizo kubwa miongono mwa wagonjwa wa corona walio katika hali mahututi.

Profesa Mitul Mehta , mmoja wa wanachama wa kikosi hicho katika taasisi ya Kings College mjini London alisema: Tunahitajika kufanya majaribio ili kuthibitisha kwamba ushahidi unafanana na kile tunachotarajia.

Mapema wakati wa mlipuko huo kulikuwa na hofu kwamba Ibruprofen inaweza kuwa mbaya kwa matumizi ya wagonjwa iwapo watakuwa na dalili hafifu.

Wasiwasi huo uliongezeka baada ya waziri wa afya nchini Ufaransa Olivier Veran kusema kwamba dawa kama Ibuprofen , zinaweza kuongeza maambukizi na akawataka wagonjwa kutumia dawa aina ya paracetamol badala yake.

Uchunguzi uliofanywa na tume ya dawa za binadamu ulibaini kwamba Paracetamol , ilikuwa salama kutumia kukabiliana na dalili za corona. 

Dawa zote mbili zinaweza kupunguza viwango vya joto mwilini na kukabiliana na dalili zinazohusishwa na homa ya flu.
Kwa dalili hafifu za corona , Idara ya afya nchini Uingereza inawashauri watu kutumia dawa aina ya paracetamol kwanza kwa kuwa ina madhara machache badala ya Ibuprofen na ni chaguo salama kwa watu wengi. 

Hufai kutumia Ibuprofen iwapo una vidonda tumboni kwa mfano.
https://www.bbc.com/swahili/habari

TUTUMIE HABARI,PICHA,MATUKIO AU TANGAZO LAKO TUKUWEKEE KWENYE SHINYANGA PRESS CLUB BLOG,WASILIANA NASI KWA Email : shinyapress@gmail.com Simu/WhatsApp 0756472807