
SHINYANGA IMEITWA IMEITIKA DK.NCHIMBI AMWAGA SERA ZA CCM JIMBO LA SHINYANGA MJINI,MAMBO MAZURI YANAKUJA 2025-2030
Na Marco Maduhu,SHINYANGA
MGOMBEA Mwenza wa Kiti cha Urais kupitia Chama Cha Mapinduzi (CCM) Dk.Emmanuel Nchimbi katika uchaguzi Mkuu utakaofanyika Oktoba 29,2025 amemwaga sera za CCM katika Kampeni za uchaguzi Jimbo la Shinyanga Mjini huku akieleza kufurahisha na umati wa wawatu uliojitokeza kwenye mkutano huo.
Katika kampeni hizo Dk.Nchimbi, amewaelezea wananchi wa jimbo la Shinyanga mjini, kuwa kupitia ilani ya uchaguzi ya CCM (2025-2030) mambo mengi ya kimaendeleo yatakelezwa katika sekta mbalimbali.
Dk.Nchimbi katika Mkutano huo wa kampeni, amesema kupitia Ilani ya uchaguzi (2025-2030),kuwa katika sekta ya afya Jimbo la Shinyanga Mjini zitajengwa Zahanati mpya 10,Vituo vya Afya 7,Wodi 10 kwa ajili ya wazazi.
Sekta ya Elimu, amesema zitajengwa shule mpya za msingi 7,Madarasa 200, huku Sekondari zitajengwa Shule mpya 6 na Madarasa 288.
Amesema pia itaendelezwa miradi ya maji ya ziwa Victoria pamoja na ujenzi wa visima virefu vya maji ili wananchi wote wapate huduma hiyo, pamoja na kujengwa viwanda vya ngozi na kuchenjua madini ili kuinua uchumi wa wananchi wa Shinyanga.
Ameongeza, katika mambo 12 ya siku 100 baada ya Rais Dk.Samia Suluhu Hassan kushinda kiti cha Urais, kuwa pamoja na mambo mengine, wataajiri Watumishi wa afya 5,000, na Walimu wa Hisabati na Sayansi 7,000, pamoja na kutoa mikopo ya sh.bilioni 200.
Aidha,Dk.Nchimbi ameeleza mambo makubwa ambayo yamefanywa ya utekelezaji wa ilani ya CCM iliyopita ya (2020-2025)kuwa ilani hiyo imetekelezwa kwa viwango vikubwa na ilikuwa shirikishi kwa wananchi.
Amesema katika Jimbo la Shinyanga Mjini ,umefanyika upanuzi wa ujenzi wa uwanja wa ndege wa Ibadakuli kilomita 2.2,kuongezeka kwa vituo vya afya 6 kutoka 5, Zahanati zimeongezeka kutoka 44 hadi 59, pamoja na upatikanaji wa CT-SCAN na X-RAY Digital.
Amesema pia katika miaka hiyo mitano ya Rais Dk.Samia Suluhu Hassan kuwa Bajeti ya Wizara ya Afya imeongezeka kutoka Sh.bilioni 900 hadi Trilioni 1.6.
Kwa upande wa shule za msingi zimeongezeka, kutoka 77 hadi 92,Sekondari kutoka 44 hadi 49 pamoja na ongezeko la madawati.
Amesema pia visima virefui vya maji zimeongekeza kutoka 2,618 hadi kufika 3,456.
Naye Mgombea Mbunge wa Jimbo la Shinyanga Mjini Patrobas Katambi,amesema mambo makubwa ya kimaendeleo yametekelezwa katika jimbo hilo la Shinyanga Mjini, ikiwamo miundombinu ya barabara, Afya,Masoko,ujenzi upanuzi uwanja wa ndege, na Stendi mpya ya mabasi.
Mwenyekiti wa CCM Mkoa wa Shinyanga Mabala Mlolwa,amesema Ilani ya CCM katika Mkoa huo wa Shinyanga imetekelezwa kwa kiwango kikubwa na kwamba Shinyanga ni ngome ya CCM na itashinda kwa kishindo katika Uchaguzi Mkuu utakaofanyika Oktoba 29 mwaka huu.
Katika Mkutano huo wa Kampeni wananchi wa Shinyanga wametakiwa kuwachagua wagombea wote wanaotakana na Chama Cha Mapinduzi CCM, kuanzia nafasi ya Madiwani,Wabunge na Rais, na wasijaribu kuchaganya ili kuwepo na Mnyonyoro wa utendaji kazi katika kuwaletea maendeleo.
Dk.Emmanuel Nchimbi kesho atakuwa wilayani Kahama kwa ajili ya kunadi sera na ilani ya CCM.
TAZAMA PICHA👇👇
Mgombea Mwenza wa Kiti cha Urais Dk.Emmanuel Nchimbi akizungumza kwenye Kampeni za CCM Shinyanga.
Mgombea Mwenza wa Kiti cha Urais CCM Dk.Emmanuel Nchimbi, aki mnadi Mgombea wa Ubunge Jimbo la Shinyanga Mjini Patrobas Katambi.
Mgombea Ubunge Jimbo la Shinyanga Mjini Patrobas Katambi akinadi sera na ilani ya CCM kwa wananchi wa Shinyanga.
Mwenyekiti wa CCM Mkoa wa Shinyanga Mabala Mlolwa akizungumza.
Mwenyekiti wa CCM wilaya ya Shinyanga Mjini Anold Makombe akizungumza.
Katibu wa CCM Mkoa wa Shinyanga Oldilia Batimayo akizungumza.





















































