HALMASHAURI YA MSALALA YAJIVUNIA KUONGEZA MAPATO NA KUVUKA LENGO.

Shinyanga Press Club July 25, 2023

Na Kareny Masasy, Msalala

Halmashauri ya Msalala wilayani Kahama mkoani Shinyanga imeendelea kujivunia kwa kuvuka lengo la ukusanyaji wa mapato na kupata hati safi.

Hayo yamesemwa leo tarehe 25/07/2025 na mkurugenzi wa halmashauri hiyo Khamis Katimba kwenye kikao cha baraza la madiwani cha robo nne ya mwaka huku kikiwa na ajenda ya kufanya uchaguzi wa kumpata makamu mwenyekiti na wajumbe wa kamati mbalimbali.

Katimba amesema ukusanyaji wa mapato utaendelea kusimamiwa vizuri na chama cha Mapinduzi kilimpatia barua yenye jina moja la Mgombea nafasi ya makamu mwenyekiti ambaye ni Flora Sagasaga na leo atapigiwa kura kwa kumthibitisha rasmi.

Mwenyekiti wa halmashauri hiyo Mibako Mabubu ambaye ameongoza zoezi la kupiga kura kumpata makamu mwenyekiti amesema waliopiga kura ni madiwani 22 na madiwani wanne hawakuhudhuria baada ya kuomba ruhusa.

Mibako Mabubu aliwataja baadhi ya wenyeviti waliochaguliwa kwenye kamati ambapo kamati ya uchumi,ujenzi na mazingira amechaguliwa Ibrahimu Masanja,kamati ya Elimu,Afya na Maji amechaguliwa Joseph Manyara na kamati mbili zimefanyiwa marekebisho ya wajumbe.

Flora Sagasaga ambaye amekuwa makamu mwenyekiti wa kuchaguliwa tena na madiwani wenzake amesema anawashukuru madiwani na chama kuendelea kumuamini zaidi huku akiahidi kuendelea kupokea ushauri.

Mbunge wa jimbo la Msalala Idd Kassim amesema ukusanyaji wa mapato umekuwa mzuri amemshukuru Rais wa Jamhuri ya muungano wa Tanzania Samia Suluhu kwa kumleta mkurugenzi Khamis Katimba ambaye naye amekuja kwa kasi kubwa kuhakikisha makusanyo ya fedha yanakwenda vizuri.

Mwenyekiti wa Chama Cha Mapinduzi (CCM) wilaya ya Kahama Thomas Muyonga amesifu ukusanyaji wa mapato na kuvuka lengo huku akiwashukuru madiwani kupiga kura bila kelele za kumrudisha makamu mwenyekiti kuongoza tena nakukifanya chama kiendelee kuaminiwa zaidi.

Mwenyekiti wa halmashauri ya Msalala Mibako Mabubu akiongea kwenye kikao cha baraza la madiwani

Mkurugenzi wa halmashauri ya Msalala Khamis Katimba akisikiliza hoja kwa umakini

Makamu mwenyekiti wa halmashauri ya Msalala Flora Sagasaga akiwashukuru madiwani wenzake kwa kumpigia kura na kushinda tena nafasi ya makamu mwenyekiti