Baraza la watoto linaloundwa na wanafunzi wa shule za msingi kata ya Tinde halmashauri ya wilaya ya Shinyanga wakifurahi kwa pamoja kupinga ukatili.
Na Kareny Masasy,Shinyanga
WAZAZI wa
kijiji cha Nhubili kata ya Tinde halmashauri ya wilaya ya
Shinyanga wamepata mwamko wa kufanya maandalizi ya shule
kwa wanafunzi baada ya kipindi cha kiangazi
kutunza mifugo na kipindi cha masika kuiuza.
Wazazi wapatao saba
wakiwemo Helena Ngoro na Maige Hussein wakiongea jana kijijini
hapo kwa nyakati tofauti wamesema walikuwa
na uhakika wa watoto wao kufaulu na kuchaguliwa kuingia kidato cha
kwanza.
Ngoro
amesema wanalima na kuuza
mazao na fedha hizo huzinunua mbuzi .kondoo au ng’ombe na
kipindi cha masika huuza tena na kununua mahitaji
ya shule ikiwemo baiskeli sababu wanakofaulu shule zinakuwa mbali.
Mwenyekiti wa
kamati ya jamii kutoka Tinde Juma Warioba amesema mbinu
hiyo walifundishwa na mashirika mbalimbali ambayo yamekuwa yakileta miradi ya
kupinga ukatili kwa wanawake na watoto.
Warioba
amesema wanaume walikuwa na tabia ya kudanganya wake zao msimu wa
mavuno kuwa wapeleke mazao kwenye godauni kuhifadhiwa kumbe ndiyo tiketi ya
kwenda kuuza bila kushirikisha familia.
“Shirika la
Care International,Save the Children,Red cross na WEADO yote yamekuwa yakifanya
kazi ya kutoa elimu na kupinga ukatili kwenye kata ya Tinde nab ado yanaendelea
”amesema Warioba.
Ofisa
mtendaji wa kijiji hicho Rukia Hussein amesema wanafunzi
waliofaulu mwaka huu kwenye shule ya kijiji hicho ni
19 ikiwa wasichana nane na wavulana 11.
“Kutokana na
mnada wa mifugo kuwa karibu wametumia fursa ya kuhifadhi mifugo badala ya
fedha”amesema Hussein.
Mtendaji wa
kata hiyo Latifa Mwendapole amesema hakuna tukio lolote lililotokea la ukatili
kwa mwaka huu mashirika yamefanya kazi
kubwa wanafunzi wamejitambua kupaza
sauti kwa wazazi wao na kuripoti shuleni vitendo vya kikatili.
Ofisa
maendeleo ya jamii kata ya
Tinde Eva Mlowe amesema kesi za vitendo vya
ukatili ndani ya familia zilikuwa zaidi kipindi cha
mavuno lakini sasa zimeenda zikipungua.
Shirika la Woman Eldery Advocacy Development Organization (WEADO) limeeleza kushiriki kuunda mabaraza ya watoto kwenye kata za Tinde na Masengwa ambapo wamejengewa uwezo masuala ya haki za mtoto,ukatili dhidi ya mtoto na uongozi wa kishujaa.
0 Comments