Header Ads Widget

MGEJA AFUNGUKA SABABU ZA KUUTAKA TENA UENYEKITI WA CCM MKOA WA SHINYANGA

Aliyekuwa Mwenyekiti wa CCM Mkoa wa Shinyanga Hamis Mgeja, akionyesha fomu ya kugombea nafasi ya Uenyekiti wa CCM Mkoa wa Shinyanga, (kushoto) ni Mke wake Zaituni Abdala, (kulia) ni aliyekuwa Mwenyekiti wa CCM wa Shinyanga ambaye alisha Staafu Charles Jishuli.

Na Marco Maduhu, SHINYANGA

Hamis Mgeja ambaye aliwahi kuwa Mwenyekiti wa Chama Cha Mapinduzi (CCM) Mkoa wa Shinyanga Mwaka 2007 hadi 2015, na kisha kuhamia CHADEMA na baadae kurudi tena CCM, amechukua fomu kuwania nafasi yake ya zamani ndani ya chama hicho.

Akizungumza na Waandishi wa habari leo Julai 6, 2022 kwenye Ofisi za CCM Mkoa wa Shinyanga, mara baada ya kuchukua fomu hiyo ya kugombea nafasi ya Uenyekiti wa CCM Mkoa, amesema amejitathimini na kuona anafaa tena kuwa kiongozi.

Amesema yeye kama Mwanachama wa CCM ni haki yake ya kikatiba kugombea uongozi ndani ya Chama hicho, na baada ya kujitathimini ameamua tena kuchukua fomu na kugombea nafasi yake ya zamani ya Uenyekiti wa CCM Mkoa wa Shinyanga.

“Nimekuja kuchukua fomu ya kuomba ridhaa ya kuongoza nafasi ya Uenyekiti wa CCM Mkoa wa Shinyanga, mara baada ya kujitathimini na kuona naweza tena kuwa kiongozi, na nimetumia tu haki yangu ya kikatiba kama Mwanachama wa CCM,”amesema Mgeja.

Kwa upande wake Katibu wa Chama Cha Mapinduzi CCM Mkoa wa Shinyanga Donald Magesa, amesema kwa sasa hawezi kutoa idadi ya wanachama ambao wamechukua fomu ya kuwania nafasi hiyo ya Uenyekiti Mkoa hadi siku ya Mwisho ambayo ni Julai 10 ndipo atatoa idadi kamili.

Aliyekuwa Mwenyekiti wa CCM Mkoa wa Shinyanga Hamis Mgeja, akionyesha fomu ya kugombea nafasi ya Uenyekiti wa CCM Mkoa wa Shinyanga, (kushoto) ni Mke wake Zaituni Abdala, (kulia) ni aliyekuwa Mwenyekiti wa CCM wa Shinyanga ambaye alisha Staafu Charles Jishuli.

Mgeja akiendelea kuonyesha fomu ya kugombea Uenyekiti wa CCM Mkoa wa Shinyanga.

Mgeja akitoka kwenye Ofisi za CCM kuchukua Fomu ya kugombea Uenyekiti wa CCM (kulia) ni Charles Jishuli ambaye naye aliwahi kuwa Mwenyekiti wa CCM Mkoa huo lakini amesha staafu.
Na Marco Maduhu, SHINYANGA.
TUTUMIE HABARI,PICHA,MATUKIO AU TANGAZO LAKO TUKUWEKEE KWENYE SHINYANGA PRESS CLUB BLOG,WASILIANA NASI KWA Email : shinyapress@gmail.com Simu/WhatsApp 0756472807