Balozi Mobhare Matinyi akisalimiana na Balozi Toko Diakenga Serão wa Angola, mara baada ya kupokelewa katika Uwanja wa Ndege wa Kimataifa wa Houri Boumediene jijini Algiers, Jumanne, tarehe 19 Mei, 2026. Katikati ni Balozi Ndumiso Ndima Ntshinga wa Afrika Kusini.
Balozi Mobhare Matinyi akisalimiana na Balozi Abdellatif Ellayeh wa Misri, mara baada ya kupokelewa katika Uwanja wa Ndege wa Kimataifa wa Houri Boumediene jijini Algiers, Jumanne, tarehe 19 Mei, 2026. Katikati ni Kaimu Balozi wa Tanzania nchini Algeria, Suleiman Mussa Rashid.
Balozi Mobhare Matinyi akisalimiana na Mwenyekiti wa Mabalozi wa nchi wanachama za Jumuiya ya Maendeleo Kusini mwa Afrika (SADC) waliopo Algeria, Balozi Ndumiso Ndima Ntshinga wa Afrika Kusini, mara baada ya kupokelewa katika Uwanja wa Ndege wa Kimataifa wa Houri Boumediene jijini Algiers, Jumanne, tarehe 19 Mei, 2026.
****
Balozi Mobhare Matinyi amewasili jijini Algiers, Jumanne, tarehe 19 Mei, 2026, tayari kuanza majukumu ya kuiwakilisha Jamhuri ya Muungano wa Tanzania katika Jamhuri ya Kidemokrasia ya Watu wa Algeria.
Balozi Matinyi alilakiwa katika Uwanja wa Ndege wa Kimataifa wa Houri Boumediene na Mwenyekiti wa Mabalozi wa nchi wanachama za Jumuiya ya Maendeleo Kusini mwa Afrika (SADC) waliopo Algeria, Balozi Ndumiso Ndima Ntshinga wa Afrika Kusini; Balozi Toko Diakenga Serão wa Angola; na Balozi Abdellatif Al-Layeh wa Misri pamoja na watumishi wa Ubalozi wa Tanzania wakiongozwa na Kaimu Balozi Suleiman Mussa Rashid.
Balozi Matinyi aliteuliwa na kutangazwa na Mhe. Rais Dkt. Samia Suluhu Hassan mnamo tarehe 24 Aprili, 2026, kuwa Balozi wa Tanzania nchini Algeria baada ya kuitumikia nafasi hiyo jijini Stockholm katika Ufalme wa Sweden tangu Mei 2025.
Mbali ya Algeria, Ubalozi wa Tanzania jijini Algiers huiwakilisha Tanzania pia katika nchi za Tunisia, Niger, Mauritania na Jamhuri ya Kidemokrasia ya Kiarabu ya Sahrawi.
Imetolewa na Ubalozi wa Tanzania Algiers,
19 Mei, 2026.
Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464
.jpeg)
