TRA KAHAMA YAWAPATIA MSAADA WAFUNGWA VIFAA MBALIMBALI

Watumishi wa mamlaka ya mapato Tanzania mkoa wa kikodi Kahama wakiwa ofisini kwao wakijiandaa kwa kutoa msaada,

Na Neema Sawaka, Kahama

Mwakilishi wa kamishna mkuu wa mamlaka ya Mapato Tanzania TRA kutoka makao makuu Ndositwe Haonga amewaongoza watumishi wa mamlaka hiyo wa mkoa wakodi Kahma kutoa msaada kwa wafungwa.

Msaada huo ni Kandambili,,Sabuni,taulo za kike, dawa za meno na Miswaki.

Akitoa msaada huo kwa mkaguzi msaidizi wa gereza wilayani Kahama Anastazia Mwamlima leo tarehe 27/Novemba/2022 katika maadhimisho ya shukrani kwa mlipa kodi.

Haonga amesema upo utaratibu wa kurudisha shukrani kwa walipa kodi hivyo watatembelea kwenye makundi maalumu kama vile Magereza na watoto yatima kutoa msaada.

“Pia siku ya kesho tunatarajia kutoa tuzo kwa wafanyabiashara ambao wamekuwa walipa kodi wazuri hilo ni jukumu letu….”amesema Haonga.

Meneja mkoa wa kodi Kahama Warioba Kanile amesema wameamua kutoa shukrani kwa njia hiyo hivyo makundi maalumu yatapokea msaada huo lengo kudumisha mahusiano na jamii nakuwataka walipe kodi kwa mujibu wa sheria.

Akipokea msaada huo Mwamlima kwa niaba ya mkuu wa gereza la wilaya hiyo Hamza Abdala ameshukuru kwa msaada huo kwani wafungwa wengine hawana ndugu wa kuwapatia na huo ndio utakuwa msaada kwao.

“Hapa tunawahifadhia wafungwa pindi wakiwa na shida wamekuwa wakitufuata nakuwaeleza shida waliyonayo hivyo watasaidiwa kupitia vifaa hivi”amesema Mwamlima

Watumishi wa mamlaka ya Mapato Tanzania mkoa wa kikodi Kahama wakionyesha bango lenye ujumbe

Mwakilishi wa kamishna mkuu wa mamlaka ya Mapato Tanzania TRA kutoka makao makuu Ndositwe Haonga wa pili kutoka kushoto akiwa na meneja wa mkoa wa kikodi Kahama Warioba Kanile aliyevaa kofia,

Baadhi y watumishi wa mamlaka ya mapato Tanzania mkoa wa kodi Kahama wakiwa eneo la gereza wilayani Kahama

Mwakilishi wa kamishna mkuu wa mamlaka ya Mapato Tanzania TRA kutoka makao makuu Ndositwe Haonga akizungumza walivyoguswa kutoa msaada kwa wafungwa katika gereza la wilaya ya Kahama

Mkaguzi msaidizi wa maregeza ya wilaya Kahama Anastazia Mwamlima akisalimiana na maafisa wa TRA.

Meneja wa mamlaka ya Mapato TRA mkoa wa kikodi Kahama pamoja na Mwakilishi wa kamishna mkuu wa mamlaka ya Mapato Tanzania TRA kutoka makao makuu Ndositwe Haonga wakisalimiana na mkuu wa gereza wilaya ya Kahama Hamza Abdallah.

Mwakilishi wa kamishna mkuu wa mamlaka ya Mapato Tanzania TRA kutoka makao makuu Ndositwe Haonga akisalimiana na mkaguzi wa gereza Anastazia Mwamlima.

Watimishi wa mamlaka ya mapato Tanzania TRA mkoa wa kodi Kahama wakiwa eneo la ofisini