Mkazi wa Kata ya Ndembezi, Manispaa ya Shinyanga, Abdalla Sube ametoa wito kwa Watanzania kuendelea kudumisha uzalendo, amani na utulivu wa nchi, akisisitiza kuwa mambo hayo ni msingi muhimu wa maendeleo ya taifa.
Sube amesema kuwa uzalendo wa kweli unapaswa
kuanzia kwa kila mwananchi kutimiza wajibu wake, kuheshimu sheria za nchi na
kushiriki kikamilifu katika shughuli za maendeleo. Ameeleza kuwa bila uzalendo,
ni vigumu kwa taifa kufikia malengo yake ya kiuchumi na kijamii.
Aidha, amebainisha kuwa amani na utulivu
vilivyopo nchini vimekuwa chachu ya maendeleo katika sekta mbalimbali, zikiwemo
biashara, kilimo na uwekezaji, hali inayowezesha wananchi kufanya kazi zao kwa
uhuru na ufanisi.
Ameongeza kuwa ni jukumu la kila Mtanzania
kulinda na kuenzi amani iliyopo, kwani kuvurugika kwa hali ya usalama kunaweza
kuathiri kwa kiasi kikubwa ustawi wa jamii na uchumi wa nchi kwa ujumla.
Amesema
kuwa mshikamano miongoni mwa wananchi ni nguzo muhimu inayoweza kusaidia
kudumisha amani, huku akisisitiza kuwa tofauti za kiitikadi, kidini au kikabila
hazipaswi kuwa chanzo cha migogoro.
Amewaomba watanzania kuendelea kuliombea taifa na kuendeleza moyo wa uzalendo ili kuhakikisha nchi inaendelea kuwa salama na yenye maendeleo endelevu.
Abdalla Sube amewataka vijana kujiepusha na vitendo vya vurugu vinavyoweza
kuhatarisha amani na usalama wa nchi, amesema vijana wana nafasi kubwa katika
ujenzi wa taifa, hivyo wanapaswa kutumia nguvu zao katika shughuli za maendeleo
badala ya kushiriki katika matendo yanayoweza kuvuruga utulivu uliopo.
Amehitimisha kwa kueleza kuwa ni muhimu kwa vijana kuwa na nidhamu, kujitambua na kuzingatia sheria za nchi, huku wakiepuka kushawishiwa kujiingiza katika migogoro isiyo na tija hivyo wanapaswa kuwa mfano mzuri kwa kulinda amani na kuendeleza uzalendo kwa vitendo.
.jpg)
