Wakazi wa kijiji nilichoishi walizoea kuniona mchana nikiwa mchangamfu, lakini usiku nilikuwa mtu tofauti kabisa. Kila nilipolala, nilihisi kama kuna kitu kinanivuta miguu au kunipulizia shingoni.
Kelele za ajabu, sauti zisizoeleweka na hofu ya giza vilikuwa sehemu ya maisha yangu ya kila siku. Nilijaribu kujituliza kwa sala, lakini usiku ukifika nilitetemeka kwa woga.
Mara ya kwanza nilifikiri labda ni ndoto mbaya tu, lakini nilipoanza kuona kivuli cha mtu kikiwa kando ya kitanda changu, nilijua hili halikuwa jambo la kawaida. Nilijaribu kulala sebuleni, nikahamia chumba kingine, lakini hali haikubadilika. Kila sehemu nilipolala, nilihisi uwepo wa kitu kisicho cha kawaida kikinifuata. Wakati mwingine nilihisi mikono baridi ikinishika mikononi, na mwili wangu ukaanza kufa ganzi kwa muda mfupi.
Wazazi wangu walinielekeza kwa viongozi wa dini, lakini maombi hayakuleta matokeo niliyotarajia. Nilianza kukonda, nikapoteza usingizi, na hata nikaacha kazi kwa sababu mwili wangu haukuwa na nguvu tena. Nilijua lazima kulikuwa na kitu kinachonifuatilia, kitu ambacho hakikuwa cha kawaida.
