TRA -KAHAMA YAWASHUKURU WAFANYABIASHARA YAVUKA LENGO KWA USHIRIKIANO.

MAMLAKA ya Mapato Tanzania (TRA) mkoa wa kikodi Kahama wakiwa katika kilele cha maadhimisho ya siku ya shukrani kwa mlipa kodi pamoja na baadhi ya wafanyabiashara.

Na Kareny Masasy, Kahama

MAMLAKA ya Mapato Tanzania (TRA) mkoa wa kodi Kahama umejivunia kuvuka lengo kwenye ukusanyaji wa mapato kwa kipindi kuanzia mwezi Julai hadi Oktoba mwaka 2022.

Meneja mkoa wa kikodi Kahama Warioba Kanile amesema hayo leo tarehe 28/Novemba/2022 katika kilele cha maadhimisho ya shukrani kwa mlipa kodi yaliyohudhuliwa na wafanyabiashara huku mgeni rasmi akiwa mkuu wa wilaya ya Kahama Festo Kiswaga.

Warioba amesema maadhimisho hayo yamekwenda na ujumbe unaosema “Asante kwa kulipa kodi kwa ustawi wa jamii na maendeleo ya Taifa -kazi iendelee” ikiwa makusanyo kwa kipindi hicho walipangiwa lengo zaidi ya sh Billioni 5.9 na makusanyo yakawa zaidi y ash Billioni 7.1 ambayo ni ufanisi wa asilimia 119.71.

“Lengo la maadhimisho haya ni kutambua mchango na ushirikiano uliopo baina ya TRA na wadau wake na kupitia maadhimisho imekuwa ikiwaweka pamoja na wadau kwa kushiriki katika shughuli mbalimbali za kijamii,burudani na kupata mrejesho”amesema Kanile..

Mwakilishi wa kamishna mkuu kutoka makao makuu TRA Ndositwe Haonga amesema Siku ya mlipa kodi ni siku iliyotengwa rasmi kwaajili ya kutambua mchango inayotolewa na walipakodi katika ngazi zote hivyo inawahusu wananchi wote.

Haonga amesema dhamira ya siku ya mlipakodi ikiwa ni ileile kwa kuamini kwamba kuna usimamizi mzuri wa kodi ndani ya nchi .

Haonga amesema ipo tija na ufanisi wa hali ya juu kwa ushirikishwaji pamoja na kuchukua mawazo na mapendekezo ya mlipa kodi katika kutunga sheria na sera za kodi,kujadiliana juu ya mbinu na mikakati mbalimbali.

“Tunapowaenzi walipakodi tunatambua kuwa hadhi yao imetoa mchango mkubwa katika kulinda uhuru wa taifa pia kutambua wanaofanya vizuri inakuwa ni moja ya motisha muhimu ya kuendeleza ufanisi”amesema Haonga..

Haonga amesema wanafahamu wapo walipakodi wachache ambao wana ridhaa ndogo ya kulipa kodi na wale ambao hawalipi kabisa kodi ambayo ni stahiki ya serikali wanatakiwa kubadilika na kuiga mfano.

“Katika kutimiza hili TRA imedhamiria kuongeza ukusanyaji wa mapato kwa kuimarisha namna ya ukusanyaji,udhibiti wa mianya ya upotevu wa kodi,kubainisha vyanzo vipya vya mapato na kuweka mazingira rafiki kwa walipakodi nakuwa na mifumo ya usimamizi wa kodi ili kurahisisha ulipaji kodi”amesema Haonga.

Mkuu wa wilaya ya Kahama Festo Kiswaga amewapongeza TRA kwa kutomuangusha kutokana na ukusanyaji mzuri wa mapato, ila bado kuna changamoto ya wafanyabishara kutotoa risti kwani anawashauri wakitoa risiti hata mteja hasumbuliwi na kuweka kumbukumbu zao vizuri katika biashara.

“Wafanyabiashara wapatiwe elimu mara kwa mara na wachangie kimawazo walio wengi hawana elimu na mashine za Kielektroniki (EFD) hakuna budi kwenda na mabadiliko ya sasa mashine hizo zitaondoa changamoto zote walizonazo”.amesema Kiswaga.

Kiswaga amekabidhi vyeti vya utambuzi wa walipakodi katika makundi ya wafanyabiashara wadogo,wakati na wakubwa ambapo zawadi ya ushindi wa jumla ilikwenda kwenye shirika la PANAFRICAN MINING SERVICES LTD

Mwenyekiti wa chemba ya biashara,viwanda na kilimo (TCCIA) Charles Machali amesema hivi sasa kuna uhai kati ya wafanyabiashara na TRA na ndiyo maana unaona biashara za ufunguzi wa maduka zimeongezeka wanachohitaji ni kupatiwa elimu zaidi.

Upande wa kushoto ni meneja kutoka mamlaka ya Mapato Tanzania mkoa wa kikodi Kahama Warioba Kanile akiwa na mwakilishi wa kamishna mkuu kutoka makao makuu Ndositwe Haonga.

Wadau wakiwa kwenye ukumbi wakisikiliza hotuba za mamlaka ya mapato TRA zikitolewa na maafisa wa mamlaka hiyo.

Kamti ya ulizi na usalama ya wilaya ya Kahama

Mkuu wa wilaya ya Kahama Festo Kiswaga akimpatia cheti mmiliki wa shule za Rocken Hill na Anderleck alichopewa na TRA.

Mkuu wa wilaya Festo Kiswaga akiendelea kutoa vyeti kwa wafanyabiashara.

Mkuu wa wilaya ya Kahama Festo Kiswaga naye akikabidhiwa cheti kutoka Mamlaka ya Mapato Tanzania (TRA) mkoa wa kikodi Kahama na mstahiki meya wa manispaa ya Kahama Yahya Bundala.