Dira ya Taifa ya Maendeleo 2050 inalenga kujenga uchumi unaotegemea maarifa, ubunifu, na teknolojia. Katika ulimwengu wa sasa, mfumo wa anuani za makazi siyo tu namba ya nyumba, bali ni msingi wa kuwezesha biashara mtandaoni, ufanisi wa taasisi za kifedha kupata utambuzi wa kidijiti, na kurahisisha utoaji wa huduma kwa kila Mtanzania.
Hayo ndiyo yalikuwa maudhui makuu ya maagizo saba mazito yaliyotolewa na Waziri Mkuu, Dkt. Mwigulu Nchemba (kupitia kwa Waziri wa Mawasiliano, Angellah Kairuki), katika kilele cha Wiki ya Anuani za Makazi jijini Dar es Salaam,wiki ambayo iliambatana na utoaji elimu.
Kongamano la Wiki ya Anwani za Makazi 2026 limewakutanisha wadau zaidi ya 600 kutoka ndani na nje ya nchi, wakiwemo wawakilishi wa Umoja wa Posta Afrika, Taasisi ya Mawasiliano ya Afrika Mashariki na wataalamu kutoka Korea Kusini, Malawi na Burkina Faso.
Anuani za Makazi zina maana auwa kwa Kijana mbunifu na startups.Wakati serikali ikielekeza nguvu kwenye mfumo huu, kwa kijana wa kitanzania mwenye ndoto ya kuanzisha biashara au Startup, hii ni fursa ya dhahabu kwani yanaletam mapinduzi ya E-Commerce: Kama una duka mtandaoni (Instagram au Website), changamoto kubwa ilikuwa "unakaa wapi?".
Sasa, uwasilishaji wa bidhaa (delivery) utakuwa na uhakika. Mteja haitaji kukuelekeza "nyuma ya mti au karibu na duka la mangi"; anuani ya kidijiti inatosha kumfikisha mjumbe mlangoni kwako.
Aidha kwa kutumia anuani za makazi ufikiaji wa mikopo na huduma za kifedha utakuwa rahisi: Moja ya kikwazo cha vijana kupata mikopo ni "utambulisho wa makazi" hivyo mfumo huu unaziwezesha benki na taasisi za kifedha kukutambua kidijiti, jambo linalopunguza vihatarishi na kurahisisha upatikanaji wa mitaji kwa wabunifu.
Kuwepo kwa anuani za makazi kunashawsihi ubunifu wa Apps: Hii ni fursa kwa Software Developers kutengeneza mifumo inayotumia data za anuani hizi (milioni 12.9 tayari zipo kwenye mfumo!) kurahisisha huduma za afya, usafirishaji, na utalii.
Kwa kijana wa kitanzania, huu ni wakati wa kuacha kulalamika kuhusu ajira na kuanza kufikiria ni jinsi gani unaweza kutumia mfumo huu wa anuani kutatua matatizo ya jamii. Iwe ni delivery app, huduma ya dharura ya afya, au soko la kidijiti—miundombinu sasa ipo wazi. Dira 2050 inakutegemea wewe, mbunifu wa leo!
Waziri wa Mawasiliano na Teknolojia ya Habari, Anjela Kairuki akizungumza wakati wa kilele cha Wiki ya Anuani za Makazi, pamoja na mambo mengine, amesisitiza kuwa mfumo huo ni nguzo muhimu hasa wakati huu ambao nchi inaelekea kwenye uchumi wa kidijitali.
Mfumo wa Anwani za Makazi (Postikodi) unasaidia upatikanaji wa huduma za kijamii, ukusanyaji wa mapato ya Serikali, biashara mtandaoni, pamoja na kuimarisha ulinzi na usalama wa wananchi.
Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464
